Argazkilari Akreditatuentzako Nazioarteko Entzierroko Argazki Lehiaketaren irabazleak

Óscar J. Barrosok irabazi du langile akreditatuentzako Nazioarteko Entzierroko Argazki Lehiaketa. Argazkilariak, zezen eta gazte baten arteko begirada harrapatu zuen bere erretratuan. Epaimahaik momentu zirragarri hori denboran geldiarazi izana goraipatu du. Irabazleak, entzierroko bidearen galtzada-harri bat eta bidearen zutoin baten zati bat jasoko ditu sari sinboliko moduan. Era berean, 1000 euro jasoko ditu ordainsari bezala.

Bigarren saria Mikel Goñi argazkilariak jaso du Mercaderes kalean egindako erretratu batengatik. Bertan, gazte baten lasterketa erretratu zuen bi zezenen artean harrapatuta. 500 euro jasoko ditu sari legez. Halaber, epaimahaiak entzierroko ibilbidearen tarte bakoitzaren argazki onena hautatu du, Telefónica eta Zezen plazako sariak hutsik geratu direlarik. Gainera, hiru sari berezi gehiago eskaini dira aurten Santo Domingo, Udaletxe Plazan eta Zezen Plaza-rako bidean egindako hiru argazkiren kalitatea txalotzeko.

Argazki zaleen artean, haiek ere bozkatzeko aukera izan dute, Marta Rocak egindako erretratua izan da bozka gehien jaso dituena. Berak eraman du Itaroa Merkataritza Zentroak eskainitako Herritar Epaimahaiaren saria.

24 argazkilarik parte hartu dute lehiaketan eta guztira 65 erretratu aurkeztu dira Iruñako Udaletxeak, Nafarroako Prentsa Elkarteak eta Nazioarteko Nafarroako Prentsa Bulegoak antolatutako txapelketan. Betiere, Hermanos Aldaz Aroztegiaren, Miserikordia Etxearen eta Chivite Upeltegiaren laguntza eta elkarlanarekin.